Plantun de Prouvènço

Pèr coumpara dos planto d'encò nostre

Stachys arvensis & Nicotiana glauca

Stachys arvensis

Lamiaceae Labiaceae

Nom en français : Épiaire des champs.

Descripcioun :
Planto coumuno soulamen en Prouvènço séusouso. Es uno betounico de l'an pas bèn grando (3-40 cm), pelouso, di pichòti flour roso o de cop que i'a blanco. Fai de gròssi bratèio en formo de fueio sus lou aut de la planto. Li fueio de la baso an un long pecou.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : Pancaro entresigna
Fueio : óupousado
Tipe bioulougico : Teroufite
Cicle bioulougico : Planto de l'an

Gènre : Stachys
Famiho : Lamiaceae
Famiho classico : Labiaceae

Ordre : Lamiales

Coulour de la flour : Blanco
Petalo : irreguliero
Ø (o loungour) flour : Pancaro entresigna
Flourido : Printèms - Estiéu

Sòu : Ca
Autour basso e auto : Pancaro entresigna
Aparado : Noun

Liò : Champ - Roucas
Estànci : Termoumediterran à Coulinen
Couroulougi : Pancaro entresigna
Ref. sc. : Stachys arvensis (L.) L., 1763

Taba(-verdau)

Nicotiana glauca

Solanaceae

Noms en français : Tabac arborescent, Tabac glauque.

Descripcioun :
Lou taba-verdau es un aubret que trachis au nostre dins li fendasclo di vièi paret e de roucas. Nous vèn d'Americo dóu miejour (Argentino) ounte se vèi fin qu'à 3 700 m d'auturo. Se recounèis à si fueio pourtado pèr un long pecou e verdalo coume la tijo peréu bluio, e tambèn bonodi si lòngui flour jauno en tube.

Usanço :
Emai aguèsson pas li mémi prouprieta qu'aquéli de Nicotiana tabacum, li fueio seco soun fumado pèr lou pople "Quechua" alor que li "Cahuilla" se n'en sèrvon en emplastre pèr garri li plago, li macaduro e li fleiroun, e pèr sougna lis enflige (edèmo). Mèfi de n'en pas manja li fueio, soun mourtalo ! La decoucioun de fueio, richo en nicoutino e anabasino (alcalouïde), pòu servi dins l'ort pèr tua li nieroun.